Սիթի օֆ Սմայլ/ Ժպիտների քաղաք հիմնադրամն աջակցում է քաղցկեղ և արյան հիվանդություններ ունեցող երեխաներին և մինչև 25 տարեկան երիտասարդներին, ինչպես նաև նրանց ընտանիքներին՝ սկսած ախտորոշման պահից։
Մենք հոգում ենք բժշկի կողմից նշանակված ախտորոշիչ լաբորատոր բոլոր հետազոտությունների ծախսերը, որոնք ուղղված են քաղցկեղի և արյունաբանական հիվանդությունների ընթացքի կառավարմանը, այդ թվում՝
Ախտորոշումը հաստատվելուց հետո մենք շարունակում ենք լինել հիվանդների կողքին՝ նրանց համար հասանելի դարձնելով բժշկի կողմից ընտրված բուժման եղանակը, որոնց շարքում կարող ենք առանձնացնել հետևյալները․
Սիթի օֆ Սմայլ/ Ժպիտների քաղաք հիմնադրամը, ի լրումն վերոնշյալին, Մանկական քաղցկեղի և արյան հիվանդությունների կենտրոնում ստացիոնար բուժում ստացող հիվանդներին ապահովում է նաև 4-անգամյա սննդով հիվանդանոցում գտնվելու ողջ ընթացքում` վստահ լինելու համար, որ երեխաները բուժմանը զուգահեռ ստանում են նաև սննդարար և բալանսավորված ուտելիք։
Քաղցկեղը և արյան հիվանդությունները պահանջում են երկարատև բուժում, որի ընթացքում երեխաները և ընտանիքի անդամները կարող են ունենալ աջակցության կարիք։ 2016թ․-ին Սիթի օֆ Սմայլ/ Ժպիտների քաղաք հիմնադրամը Global Health Initiative-ի և Dana Farber / Boston Children’s Cancer Institute-ի աջակցությամբ ԵՊԲՀ «Մուրացան» հիվանդանոցի Քիմիաթերապիայի կլինիկայում քաղցկեղ ունեցող երեխաների և նրանց ընտանիքների համար հիմնադրեց Հոգեբանասոցիալական ծառայություն։
2019թ․-ի փետրվարի 7-ին պրոֆ․ Ռ․ Յոլյանի անվան Արյունաբանական կենտրոնում երկու կլինիկաների միավորմամբ հիմնադրվեց Մանկական քաղցկեղի և արյան հիվանդությունների կենտրոնը, ինչից հետո Սիթի օֆ Սմայլ/ Ժպիտների քաղաք հիմնադրամի կլինիկական հոգեբանը շարունակում է տրամադրել համապատասխան աջակցություն ուռուցքաբանական հիվանդություններ ունեցող երեխաներին և նրանց ընտանիքներին Մանկական քաղցկեղի և արյան հիվանդությունների կենտրոնի Հոգեբանասոցիալական ծառայության շրջանակում՝ միաժամանակ համակարգելով ծառայության գործունեությունը։ Ծառայության շրջանակում երեխաներին և ընտանիքներին հոգեբանասոցիալական աջակցություն տրամադրելուց զատ իրականացվում է նաև երեխաների և ընտանիքիների համար ուսուցանող նյութերի կազմում, թարգմանություն։
