Նորություններ

Ապրիլի 4, 2023

Մեծ ուրախությամբ ներկայացնում ենք Լիզա Ստեփանյանին՝ որպես Սիթի օֆ Սմայլ հիմնադրամի ամերիկյան մասնաճյուղի Հոգաբարձուների խորհրդի նոր անդամ:

Տիկին Ստեփանյանը 1983 թվականից սկսել է իր երեսնամյա գործունեությունը կոսմետիկայի և անձնական խնամքի ոլորտում՝ որպես հետազոտության և զարգացման քիմիկոս։ Ավելի քան քսան տարի նա աշխատել է որպես Կանանց միջազգային ասոցիացիայի (AIWA)՝ Նյու Ջերսիի մասնաճյուղի հիմնադիր և նախագահ՝ ներկայացնելով AIWA-ն ՄԱԿ-ում: Այնուհետև տիկին Ստեփանյանը միացել է «Հայաստան» համահայկական հիմնադրամին ԱՄՆ-ում՝ որպես գործադիր տնօրեն:

Տիկին Լիզա Ստեփանյանը Նյու Ջերսիի «Ընդդեմ մարդկանց թրաֆիքինգի» կոալիցիայի անդամ է և կոալիցիայի նախաձեռնությունների ակտիվ մասնակից:

2011 թվականից նա նաև “Caring Hands Fund” բարեգործական կազմակերպության հիմնադիրն է, որը մինչև 2014 թ․ Երևանում իրականացրել է անհապաղ վիրահատություններ սոցիալապես անապահով անձանց համար։

Անչափ ուրախ ենք ողջունել տիկին Լիզա Ստեփանյանին և մաղթում ենք նրան արգասաբեր գործունեություն՝ ի շահ Հայաստանում քաղցկեղի դեմ պայքարող երեխաների: